【多图】李璨琛为搏囡囡Lucy一笑豁出去 纹身加Kitty装束劲爆笑

再不羁嘅男人,当遇到命中注定嘅女仔,都有定落嚟嘅一日,讲紧嘅唔係老婆而係囡囡呀﹗李璨琛一向俾人印象係潮人、坏男孩,拍戏亦不时饰演古惑仔之类嘅角色。婚后形象嚟个180度大改变,m88明升特别係囡囡元元出世后,成为好爸爸代表﹗

李璨琛囡囡Lucy(李元元),面圆圆相当可爱,自出世后已经被受网友追捧,有人话佢面型似足蜡笔小新,又有人话佢係翻版布欧,但元元至爱嘅应该係HELLO KITTY。为咗搏得囡囡呢个前世情人嘅欢心,李璨琛决定豁出去啦﹗见到李璨琛戴住一大抽胶珠颈鍊,亮点当然係KITTY鍊咀啦﹗头上仲要戴住可爱嘅幻彩大蝴蝶髮饰,同佢全身纹身真係有点格格不入。

唔衬唔紧要,最紧要搏得囡囡欢心,不过Lucy个样一脸尴尬,似乎就唔多受落啦:「咦爸爸你快D除咗佢个Hello Kitty链佢啦,我有好多friend喺度㗎 #呕心 #嫌弃 #爸爸你唔好咁啦 #hellokitty父女装 #仲唔係爱」,网友笑言「果然几man嘅男人生咗女都会变」,「纹身加kitty令Lucy开始怀疑人生」,相当爆笑。